Ons almal voel soms dat ons oor ‘n saak bid, is dit asof die duiwel self ons gebede gehoor het en alles wat verkeerd kan gaan, dan verkeerd gaan. As die derde of vierde ding verkeerd gaan dan voel ons sommer asof dit nie help om te bid nie. Daarna is dit nie lank nie, of ons begin om ons gevoelens te verbaliseer. Die kere dat ons voel dat ons, ons gebede kan vertrou; raak minder as die kere dat ons wel geloof in ons gebede het. Die probleem lê ongelukkig soms meer dat ons buite ons vlak van geloof opereer as by God se (nie-)verhoring van ons gebede.

Oor die afgelope jare het ek sommige mense gesien wat God probeer glo vir geld om groot dinge te doen terwyl hulle nog nie eens geleer het om God te glo vir hulle water rekening nie. Sommige mense oorlaai hulle geloof. Hulle werk met ‘n tien rand geloof en probeer om vir ‘n miljoen rand te glo. Paulus verwys ook daarna in Rom 12:3  …lê jou liewer daarop toe om beskeie te wees in ooreenstemming met die maat van geloof wat God aan elkeen toebedeel het.

Hierdie Skrif leer ons dat, om suksesvol te wees in ons geloofslewe, moet ons almal leer om op ons vlak of maat van geloof te funksioneer. Ek dink dit is waarom sommige mense probleme veroorsaak het in kerke. Hulle het ‘n seminaar bygewoon of ‘n preek gehoor, waar hulle iemand gehoor het leer, “Jy kan hê wat jy sê.” Maar hulle het net ‘n deel van die aanbieding geleer, en toe opgewonde huis toe gegaan waar hulle allerhande dwase dinge gedoen het en dit geloof genoem het. Daar is baie voorbeelde van sulke prediking op die televisie stasies. Ongelukkig het dit tot gevolg gehad dat mense skuldig begin voel het om op God te vertrou vir hulle behoeftes of dat hulle eenvoudig nie meer weet of God hulle verhoor nie.

Begin waar jy is

Ons teksvers vir vandag leer ons dat ons almal moet leer werk binne ons vlak van ontwikkeling, en dat ons daar kan groei. Jy moet egter altyd begin waar jy is. Dit klink dalk elementêr, maar baie sal gehelp word deur dit te verstaan. Begin eerstens waar jy is en weet tweedens waar jy gaan. Jesus het gesê dat niemand sal  begin om ‘n toring te bou sonder om eers te koste te bereken nie. Dit is goeie raad, maar soms wanneer mense draai na geloof, versuim hulle om die koste te bereken wat hulle bely. Ek het onlangs die verhaal gelees van ‘n sekere individu wat gehoor het oor geloof en belydenis. Hy was ‘n professionele man wat net suksesvol begin raak het in sy beroep. Daar was ‘n huis wat hy wou hê. Hy het begin bely dat hy hierdie huis gaan koop. Hy het begin glo daarvoor en die Woord van God daaroor bely. Hy het uiteindelik toe die huis gekoop. Die manier waarop dit gebeur het, was amper bonatuurlik, want hy het nie die bates gehad om te kwalifiseer vir die lening nie. Maar deur die geloof het hy die transaksie gedruk tot en met voltooiing. Dit het so goed gewerk dat hy begin het bely en glo vir ‘n vliegtuig. Hy het toe ‘n vliegtuig op dieselfde manier gekoop. Toe het hy ontdek hy het nie het die inkomste om die dinge te onderhou wat hy gekoop het nie. Hierdie man het nie die koste bereken van sy geloofsprojekte nie. Ek vertel die verhaal nie om individu te verkleineer nie, maar as ‘n saak van onderrig om ander van dieselfde fout te weerhou. Soms gooi mense weg alle gesonde verstand wanneer hulle na hulle geloof draai. Begin om te glo op die vlak waar jou geloof nou is. Met elke suksesvolle geloofsprojek sal jou geloof dan begin groei en sterker raak, totdat jy later vir baie meer sal kan glo as op die vlak waar jy tans is.

Behou jou vrymoedigheid

Die apostel Johannes leer vir ons ‘n tweede belangrike beginsel wat nodig is as ons, ons gebede wil vertrou:

1 Joh 5:14  En nou kan ons met vrymoedigheid na God gaan, omdat Hy ons gebede verhoor as ons enigiets volgens sy wil vra.

Vrymoedigheid is sterk afhanklik van ons gewetens. Wanneer ons gewete ons pla as ons na God gaan in gebed, is ons sommer onseker of God gaan antwoord nog voordat ons gevra het. Dan kan ons nie ons gebede vertrou nie. Ek go dat hier twee tipes vrymoedigheid ter sprake is:

Vrymoedig om te vra

Die eerste is ons vrymoedigheid om te vra. Daardie vrymoedigheid word grootliks aangeval en gesteel wanneer daar opsetlike sonde in ons lewens is. Kyk wat sê Paulus hieroor:

Rom 2:15-22  omdat hulle toon dat die werk van die wet in hulle harte geskrywe staan, terwyl hulle gewete saam getuienis gee en die gedagtes mekaar onderling beskuldig of ook verontskuldig,  (16)  in die dag wanneer God die verborge dinge van die mense deur Jesus Christus sal oordeel, volgens my evangelie.  (17)  Kyk, jy dra die naam van Jood [of Christen?] en steun op die wet en beroem jou op God,  (18)  en jy ken sy wil en onderskei die dinge waar dit op aankom, omdat jy uit die wet onderrig word,  (19)  en jy is oortuig dat jy ‘n leidsman is van blindes, ‘n lig vir die wat in duisternis is,  (20)  ‘n opvoeder van onverstandiges, ‘n leermeester van onervarenes, omdat jy die beliggaming van die kennis en die waarheid in die wet het  (21)  jy dan, wat ‘n ander leer, leer jy jouself nie? Jy wat preek dat ‘n mens nie mag steel nie, steel jy?  (22)  Jy wat sê dat ‘n mens nie owerspel mag pleeg nie, pleeg jy owerspel? Jy wat ‘n afsku van die afgode het, pleeg jy tempelroof?

Sulke dinge neem ons vrymoedigheid om te vra, weg. Selfs al sou dan vra, sou ons nie ons gebede vertrou nie omdat ons weet dat daar opsetlike sondes is wat tussen ons en God staan.

Vrymoedig om te ontvang

Die tweede is ons vrymoedigheid om te ontvang. Ons vrymoedigheid om te ontvang staan dikwels in die pad van die verhoring van ons gebede. In plaas daarvan om met kinderlike geloof te ontvang, redeneer ons soms ons vrymoedigheid weg. Vrae soos ‘hoe weet ek dit is God se wil?’ of ‘Dalk is dit nie nou God sy tyd nie’ steel ons vrymoedigheid. Die probleem in sulke gevalle lê nie soveel by die vraag nie, maar eerder by ons onkunde oor die Skrif of selfs ons onwilligheid om die Skrif te bestudeer vir die antwoord! Dinge soos minderwaardigheid en verwerping (wat altwee verwronge manifestasies van trots is) neem ook ons vrymoedigheid weg om te ontvang. Soms is suiwer ongeloof dat God ons wil help, ook ‘n hindernis wat keer dat ons vrymoedig kan ontvang.

‘n Vinnige toets of jy ontvang het

Daar is wel ‘n toets wat ek gebruik om my te help agterkom of ek die antwoord in my gees ontvang het. Ek luister naamlik na die manier hoe ek praat. Dit is altyd moontlik om te vertel of ‘n mens presies glo wat hy sê. Wat in jou hart is, sal altyd by jou mond uitkom. As jou belydenis verkeerd is, is jou geloof verkeerd. As jou geloof verkeerd is, is jou denke verkeerd. As jou  denke verkeerd is, is dit omdat jou verstand nie met die Woord van God vernuwe is nie. Al drie gedeeltes, glo, dink en sê – gaan saam. God het ons Sy Woord gegee om ons denke reg te stel. Ons kan dink in lyn met God se Woord.

Ken God se wil vir jou situasie

Mense maak dit soms onnodig ingewikkeld om God se wil te ken in hulle situasies. God se wil is egter in Sy Woord geopenbaar. Hy sal nooit iets doen wat in stryd is met Sy Woord nie. Wanneer ons daarom die Skrifte ken rondom ‘n situasie, sal ons God se wil ken. As ons God se wil ken, sal ons daarvolgens bid. As ons daarvolgens bid, is ons gewaarborg dat God ons sal verhoor. As ons weet dat God ons sal verhoor. As ons weet dat God ons verhoor, dan weet ons dat Hy ons 100% seker sal antwoord. As ons dit weet, dan kan ons, ons gebede vertrou.

  • As jou situasie dus oor jou gesondheid – hetsy of dit liggaamlik, geestelik of sielkundig is – gaan leer wat God se wil daaroor is uit Sy Woord.
  • As jou situasie oor finansies gaan – hetsy of jy te veel of te min het – gaan leer wat God se wil daaroor is uit Sy Woord.
  • As dit daaroor gaan dat jy Sy koninkryk wil laat kom vir iemand – gaan leer wat God se wil daaroor is uit Sy Woord.

Bestudeer en mediteer oor daardie Skrifte totdat jou gees dit assimileer en daarop begin vertrou meer as wat dit op omstandighede vertrou.

Verstaan die ‘inkubasietyd’

Alle gebede word nie altyd binne ‘n millisekonde beantwoord nie. Soms is daar ‘n natuurlike tydsverloop vir die antwoord om tot vrug te kom. Ek kan onthou hoedat ek altyd gedink het dat God my nie wil antwoord nie wanneer ek bv. vir ‘n hoofpyn bid en dit nie binne 10 sekondes weg is nie. Ek moes leer dat die antwoord altyd sal kom, maar dat dit in sommige gevalle langer mag neem om te manifesteer as in ander. Die lengte van die inkubasietyd voordat die antwoord sigbaar word, is vir sommige mense ‘n struikelblok. Hulle soek die antwoord eintlik nog voordat hulle gevra het en as dit nie vinnig gebeur nie, dan het hulle ‘n probleem met God. Ek het al agtergekom dat die probleem nie so baie by die tydsverloop tussen die vra en antwoord is nie, maar meer by die feit dat hulle nie hulle gebede vertrou nie en ‘n vinnige antwoord sal hul bekommernis wegneem. Wanneer jy egter weet dat God jou verhoor het, sal jy ook met ‘n 100% sekerheid dat die antwoord sal kom, so seker as wat die aarde bestaan.

 ‘n Gebed wat vertrou kan word

‘n Gebed wat vertrou kan word, is ‘n Heb 11:1 gebed:

Heb 11:1  Die geloof dan is ‘n vaste vertroue op die dinge wat ons hoop, ‘n bewys van die dinge wat ons nie sien nie.

Saamgeneem kan ons op hierdie maniere toets of ons gebede verhoor is:

  • Ondersoek waar jou vlak van geloof is (R4000 per maand is dalk te veel maar jy kan dalk glo vir R1000 per week)
  • Ondersoek jou vlak van vrymoedigheid
  • Ken God se wil vir jou situasie
  • Verstaan dat daar ‘n ‘inkubasietyd’ ter sprake kan wees

Wanneer hierdie dinge in plek is, dan kan ons vir seker ons gebede vertrou omdat ons dan weet dat God ons verhoor het. Daarna is dit eenvoudig ‘n saak van geloof:

1 Joh 5:15  En as ons weet dat Hy ons verhoor, dan weet ons dat, wat ons ook al vra, ons die bedes verkry wat ons van Hom gevra het.

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.