Tommy Lessing

2017/09/10

Het jy al ooit gewonder wanneer is ‘n gebeurtenis in jou lewe ‘n versoeking, ‘n beproewing of ‘n toets? Wanneer ons suksesvol tussen hierdie drie kan onderskei, sal dit ons help om baie vinniger geestelik te groei en makliker op God te vertrou. Dit sal ons ook help om te onderskei tussen die liste van die Satan en die werkinge van God in ons lewens.

Versoeking

Almal van ons staan een of ander tyd in ons lewens ​​voor versoekings. Die waarheid is ongelukkig dat baie min mense dit effektief kan hanteer. Dit behoort nie die geval te wees nie, en dit hoef beslis nie die geval vir gelowiges te wees nie. Ons lees oor versoekings in

(Jak 1:12)  Salig is die man wat versoeking verdra, want as hy die toets deurstaan het, sal hy die kroon van die lewe ontvang wat die Here beloof het aan die wat Hom liefhet.

(1 Kor 10:13)  Geen versoeking het julle aangegryp behalwe ‘n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra.

Definisie: Om die tekste hierbo beter te verstaan, is dit nodig om te definieer wat ‘n versoeking is: ‘n Sterk begeerte of iets wat ‘n sterk begeerte veroorsaak om te sondig of iets onwys te doen.

Lees nou die teksverse hierbo weer ‘n keer, maar sit “sterk begeerte om te sondig” in die plek van die woord “versoeking”.

  • Versoekings op sigself is nie ‘n sonde, om in te gee daarvoor is. Jakobus 1:12
  • Volgehoue of gereelde versoekings​​ maak ons ​​sterker en het sy beloning
  • Versoeking kom nie van God nie – dit kom van Satan of deur die vlees – Jak 1:13

Doel: Die doel van versoekings is om die slegste in ons uit te bring … en vir ons om te leer om te oorkom. Gelukkig is God ons vennoot; Hy belowe om ons ‘n oorwinning in die middel van ons versoekings te bring – dit is ons sin as ons dit sou verkies.

Hantering: Die manier hoe ons versoekings hanteer, is ‘n goeie aanduiding van ons vlak van geestelike ontwikkeling. Daar is ‘n Engelse spreekwoord wat, losweg vertaal, sê: “fail to plan and you plan to fail.” Dié stelling kan nie meer waar wees as wanneer dit op versoekings toegepas word nie.

Hier is vier maklike maniere om jou te help om versoekings te weerstaan of te oorwin:

  • Beplan: Mense wat hulle swak punte ken, sal planne beraam om hulle te help wanneer ‘n versoeking aan hulle deur klop. Dink byvoorbeeld aan hoeveel mense, mans sowel as vrouens, sukkel met wellus. Ek het gevind dat ‘n goeie manier om ‘n wellus versoeking te hanteer wanneer ons in die versoeking kom om iemand te begeer, is om dadelik vir hom of haar te bid. Ek ken niemand wat elke oggend opstaan ​​en bid om te misluk wanneer hy in die versoeking kom nie, maar ek ken baie mense wat elke oggend opstaan ​​en versuim om te beplan vir of te bid teen versoekings. So, eerste en belangrikste, moet ons voorbereid wees:

2 Kronieke 12:14 lees, En hy het gedoen wat verkeerd was, omdat hy sy hart nie berei het om die HERE te soek nie.

  • Bring daaglikse tyd in gebed deur
  • Doen gereelde Bybelstudie is derde en en
  • Bid gereeld in jou taal.

Beproewinge

Definisie: ‘n Beproewing is ‘n toets van die prestasie, eienskappe of geskiktheid van iemand of iets.

Doel: Die doel van beproewings is om ons lewens te verfyn en ons met ‘n suiwer, sterker geloof te laat, sowel as met ‘n karakter wat God kan seën en gebruik. Die gevolg van beproewings is dat ons mettertyd meer en meer soos Jesus begin kyk. Beproewings is pynlik en moeilik van aard, veral omdat dit dikwels met swaarkry (verdrukkinge) gepaard gaan. Dit wys ons foute en swakhede uit en ontwikkel ‘n goddelike karakter in ons. Uit persoonlike ondervinding kan ek getuig dat beproewinge my meer as enigiets anders geleer het om blindelings op God te vertrou. Dit is hoe ons beproewinge hanteer wat die verskil maak:

(Rom 5:3-5)  En nie alleen dit nie, maar ons roem ook in die verdrukkinge, omdat ons weet dat die verdrukking lydsaamheid werk,  en die lydsaamheid beproefdheid en die beproefdheid hoop; en die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is.

Hantering: Uit die teksvers hierbo leer ons dat ons beproewinge met geduld en lydsaamheid moet hanteer. Ek het ondervind dat ek beproewinge die beste hanteer wanneer ek die beloftes van God oor die spesifieke situasie aangryp en kies om op Hom te vertrou om dit ten goede vir my te laat uitwerk:

(Rom 8:28)  En ons weet dat vir hulle wat God liefhet, alles ten goede meewerk, vir hulle wat na sy voorneme geroep is.

Hebreërs hoofstuk 12 leer aan ons die beste optrede wanneer ons deur beproewinge gaan: (een moet en drie moenies):

  • Vertrou op God tydens die beproewing
  • Moenie bitter raak nie
  • Moenie moed verloor nie, dit sal nie erg raak dat jy dit nie kan verdra nie
  • Moenie teen die beproewing skop nie, herken dit en laat dit toe om jou geloof te verfyn.

Toetse

Toetse en beproewinge kan baie eenders voorkom en is soms moeilik om te onderskei.

Definisie: ‘n prosedure wat bedoel is om die gehalte, prestasie of betroubaarheid van iets te bepaal, veral voordat dit in algemene gebruik geneem word.

In die sin van beproewinge kan ons sê dat beproewinge meer bedoel is om die individuele kwaliteite van ons karakter te toets, waar ‘n  toets is meer ontwerp om die totale prestasie van die persoon vas te stel.

Doel:  Die doel van ‘n toets is om vas te stel of ons die lesse van ‘n goddelike lewenswyse kan assimileer en prakties kan toepas.

Alhoewel ons gewillig moet wees om te vertrou en gehoorsaam te wees, selfs as ons nie weet waarom nie of wanneer die antwoord vir ‘n geruime tyd nie gegee word nie, moet ons onderskei tussen versoeking en toetsing: Satan en ons eie vleeslike begeertes versoek; God toets. Versoekinge kan lei tot ons mislukking en vernietiging; toetse openbaar aan ons waar ons in terme van ons geloof is. Dit is terwyl ons deur die vuur van toetsing en beproewinge gaan, dat ons versterk, geheilig en gesuiwer kan word.

Hantering: Wanneer God ons toets, wil Hy hê ons moet slaag. Hy wil hê ons moet sien dat ons geloof daadwerklik is en dat dit die vuur van ‘n praktiese toets deurstaan het:

(Rom 12:2)  En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is.

(Psa 34:19 Menigvuldig is die teëspoed van die regverdige, maar uit dié almal red die HERE hom.

  • Evalueer jou prestasie na afloop van die toets
  • Leer uit jou foute, staan op en gaan aan met die lewe
  • Laat toe dat die toets jou ten goede verander.

 (1 Pet 1:6-7)  Daarin verheug julle jul, al word julle nou—as dit nodig is—’n kort tydjie bedroef onder allerhande beproewinge, sodat die beproefdheid van julle geloof, wat baie kosbaarder is as goud wat vergaan maar deur vuur gelouter word, bevind mag word tot lof en eer en heerlikheid by die openbaring van Jesus Christus.

Ons sien uit hierdie gedeelte dat God ons net toets soos dit nodig is. Hy is nie kwaadwillig nie en wil ons ook nie onnodig sien swaarkry deur middel van beproewinge nie. Net soos ‘n goudsmid net die metaal in die vuur sit om van onsuiwerhede ontslae te raak, so is die weg van die Here. God sal ons toets sodat ons kan sien waar ons moet verbeter. Ons kan seker wees dat God elke toets sodanig opstel dat dit individueel sal uitwys waar ons gebreke en onsuiwerhede is sodat ons geheilig en verander kan word. Toetsing is dus meer iets om te hoop eerder as om te vrees.

Slot

Versoekings wys aan ons daardie areas uit waar ons nog ‘n sterk begeerte het om in te sondig. Hoewel die Satan dit graag sal wil gebruik om ons te vernietig, is duidelik dat God eerder wil hê dat ons daardeur van ons eie swakhede bewus sal word en betyds sal beplan hoe ons dit gaan hanteer wanneer dit weer gebeur. Persone wat versoekinge herken vir wat dit is en op so ‘n wyse hanteer, is geestelik volwasse.

Beproewinge en toetse is om te openbaar watter van ons karaktereienskappe nog moet ontwikkel en hoe suksesvol ons die lesse uit die Bybel prakties kan toepas in ons daaglikse lewens . God word kragtig verheerlik deur diegene wat aanhou glo, selfs wanneer dinge nie sin maak nie en dalk selfs teenstrydig voorkom. Ons moet nie beproewinge en toetse vrees nie; inteendeel, ons moet Hom vertrou om ons deur hulle te bring. Hoekom? Omdat God goed, getrou en liefdevol is, weet ons dat ons beter sal eindig as wat ons voorheen was. Weereens veroorsaak God dat alle dinge vir ons ten goed meewerk, al maak dit vir ‘n kort tyd nie sin nie, al dit maak seer, of al dit is moeilik.

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.